Joǵarǵy sottyń sýdıasy Meırambek Taımerdenov qyzmetinen bosatyldy

Búgin Senattyń jalpy otyrysynda Joǵarǵy sottyń sýdıasy qyzmetinen bosatyldy, dep habarlaıdy Kazinform.

Atap aıtqanda, búgingi otyrysta QR Joǵarǵy sotynyń sýdıasy Meırambek Taımerdenovti qyzmetinen bosatý týraly Memleket basshysynyń usynymy engizildi.

ıAǵnı M. Taımerdenov sýdıa laýazymynda bolýdyń shekti jasyna tolýyna baılanysty ony qyzmetinen bosatý máselesi qaraldy.

Onyń sýdıa retinde bul saladaǵy tájirıbesi mol. Keıingi 4 jyl boıy Joǵarǵy sottyń sýdıasy boldy.

Palata depýtattary atalǵan usynysqa qoldaý bildirdi.

Joǵarǵy sot sýdıasy Meırambek Taımerdenovti sýdıa laýazymynda bolýdyń shekti jasyna tolýyna baılanysty sýdıa qyzmetinen bosatýdy usynady.

Eske salsaq, Meırambek Taımerdenov 2019 jyly Joǵarǵy sot sýdıasy bolyp saılanǵan edi. 

M. Taımerdenov 1958 jyly týǵan, zańger. Óziniń eńbek jolyn zańger mamandyǵy boıynsha 1983 jyly Almaty oblysy Qaskeleń aýdandyq halyq sotynyń sot oryndaýshysy qyzmetinen bastady.

1993 jyldan 1997 jylǵa deıin prokýratýra organdarynda qyzmet istedi.

1997 jyly sáýir aıynda Almaty oblysy Jambyl aýdandyq sotynyń sýdıasy bolyp taǵaıyndaldy. 1999 jyly Almaty oblystyq sotynyń sýdıasy.

2001-2005 jyldary Ádilet mınıstrligi Tirkeý qyzmeti komıtetiniń tóraǵasy.

2006 jyly QR Joǵarǵy sotynyń janyndaǵy Sot ákimshiligi jónindegi komıtet tóraǵasynyń orynbasary qyzmetine keldi.

2007-2012 jyldary Almaty oblystyq sotynyń tóraǵasy. 2012 jyldyń naýryzynan bastap Almaty qalalyq sotynyń tóraǵasy.

2013 jylǵy jeltoqsannan Almaty oblystyq sotynyń tóraǵasy laýazymynda boldy.