Joǵarǵy sottyń BAQ-pen ózara is-qımyl jónindegi úılestirýshi-sýdıalary taǵaıyndaldy

ASTANA. KAZINFORM – Joǵarǵy sot tóraǵasynyń Ókimimen Joǵarǵy sottyń BAQ-pen ózara is-qımyl jónindegi jańa sýdıa-úılestirýshileri taǵaıyndaldy.

Ákimshilik is júrgizý boıynsha Aslan Týkıev (JS Ákimshilik ister jónindegi sot alqasynyń tóraǵasy), qylmystyq sot isin júrgizý boıynsha Erkesh Máýken (JS sýdıasy), azamattyq sot isin júrgizý boıynsha Marına Borovık (JS sýdıasy) bekitildi. 

«Olarǵa Kommýnıkatsııa bólimimen birlese otyryp, sot júıesinde júrgizilip jatqan jańarýlar, sondaı-aq sýdıalar men sot qyzmetkerleriniń kásibı qyzmeti týraly qoǵamnyń habardar bolýyn qamtamasyz etý, sot isin júrgizý týraly aqparattyq-túsindirý jumystaryn júrgizý júkteldi.

BAQ-pen jáne qoǵamdyq pikir kóshbasshylarymen ózara is-qımyl tásilderin qaıta qaraýdy talap etetin belsendi kommýnıkatsııalardyń jańa shyndyqtaryn eskere otyryp, mynalardy qamtamasyz etý jónindegi mindetter qoıyldy:

— BAQ-qa ashyq sot protsesterine qoljetimdilik jáne jabyq sot otyrystarynda qaralǵan ister boıynsha sapaly aqparat berý;

— úılestirýshi-sýdıalar men sottardyń baspasóz qyzmetteriniń biliktiligin arttyrý;

— zamanaýı kommýnıkatsııalyq quraldardy paıdalana otyryp, BAQ-pen ózara baılanys ornatý jáne t.b», — dep jazǵan Joǵarǵy sottan.