Joǵarǵy Sottyń 6 sýdıasy qyzmetinen bosatyldy
ASTANA. KAZINFORM – Búgin Quryltaıdyń jalpy otyrysynda QR Joǵarǵy Sotynyń sýdıalary laýazymynan bosatyldy.
- Sizderdiń qaraýlaryńyzǵa QR Joǵarǵy Sotynyń birqatar sýdıasyn qyzmetten bosatý týraly Memleket basshysynyń usynysy engizildi. Memleket basshysynyń 2026 jylǵy 23 qyrkúıektegi Jarlyǵyna sáıkes, Joǵarǵy Sottyń sýdıalary Sáken Abdolla men Aslan Túkıev Konstıtýtsııalyq Sottyń sýdıalary bolyp taǵaıyndaldy. Budan bólek, Marına Gennadevna Borovık, Nurjan Úsiphanuly Qaıypjan, Valerıı Vladımırovıch Nozdrın jáne Mádenıet Jaqanqyzy Omarbekova qurmetti otstavkaǵa shyǵýǵa tilek bildirdi. Olardyń árqaısysy birneshe ondaǵan jyldar boıy zań men ádildikke qyzmet etýge óz ómirlerin arnady. Olar – otandyq sot tóreliginiń damýyna zor úles qosqan, sýdıalyq qyzmet jolyn adal ári abyroımen atqarǵan joǵary bilikti mamandar. Barlyq sýdıalar sot qaýymdastyǵynda zor qurmet pen joǵary bedelge ıe. Qurmetti depýtattar, Memleket basshysynyń usynysyn qoldaýlaryńyzdy suraımyz, - dedi QR Joǵary Sot Keńesiniń tóraǵasy Dmıtrıı Malahov.
Jalpy otyrys barysynda depýtattar bul usynysqa qoldaý bildirdi.
Eske salsaq, jaqynda Sáken Abdolla, Aslan Týkıev Konstıtýtsııalyq Sot sýdıalary retinde taǵaıyndaldy.
