Joǵarǵy sot tóraǵasy mindettemeni oryndamaıtyn ınvestorlardy parasatty bolýǵa shaqyrdy

ASTANA. KAZINFORM – Joǵarǵy sot tóraǵasy Aslambek Merǵalıev ınvestorlardy zań talaptaryn saqtap, parasattylyq tanytýǵa shaqyrdy.

- Byltyr Astananyń ákimshilik soty ınvestıtsııa isterdiń tek 17 paıyzynda ǵana ınvestordyń talabyn qanaǵattandyrmaıtyn sheshim shyǵardy. Aqshaǵa shaqsaq, elordanyń ákimshilik soty ǵana 100 mlrd teńge kóleminde ınvestorlardyń quqyǵyn qorǵap qaldy. Sottar isterdi qaraǵan kezde keıbir sheneýnikterdiń ústinen de shara qoldanyp, tártiptik jaza taǵaıyndady. Bızneske, ınvestorlarǵa da parasattylyq tanytyp, zańdy saqtaý qajet. Sottar ınvestorlardyń ekologııalyq kelisimshart, kelisim mindettemeleri boıynsha zań buzǵanyn tirkep otyr. , - dedi Joǵarǵy sot tóraǵasy ınvestıtsııalyq forýmda.

Onyń sózinshe 2021-2023 jyldary Astananyń ákimshilik sotyna ınvestorlardan 288 shaǵym túsken. Al 2024 jyly 152 is qaralǵan.

- Bul onyń aldyndaǵy 2,5 jyldaǵy kórsetkishtiń jartysynan kóp, - dedi Aslambek Merǵalıev.

Aıta keteıik, Astanada Joǵarǵy sottyń uıymdastyrýymen ınvestıtsııalyq forým ótip jatyr. Oǵan tıisti sala basshylarymen birge Premer-Mınıstrdiń birinshi orynbasary Roman Sklıar, Eýropalyq Odaqtyń Qazaqstandaǵy ýaqytsha senimdi ókili Macheı Madalınskı qatysyp otyr.