Joǵarǵy sot tóraǵasy AES boıynsha referendýmda daýys berdi

ASTANA. KAZINFORM – Joǵarǵy sot tóraǵasy Aslambek Merǵalıev AES boıynsha referendýmǵa oraı ashylǵan elordadaǵy № 204 ýchaskede daýys berdi.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi. 

Respýblıkalyq referendým bıýlleteninde bir ǵana saýal bolady: Siz Qazaqstanda atom elektr stantsııasyn salýǵa kelisesiz be? Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy. 

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly. 

Saǵat 10.00-degi jaǵdaıy boıynsha respýblıkanyń 2 mln 178 myń 593 azamaty bıýlletendi alǵan bolatyn. Ol tizimge engen azamattardyń 17,79 paıyzyn qurap otyr.