Joǵarǵy sot sýdıasy qyzmetinen bosatyldy
ASTANA. KAZINFORM – Búgin Senattyń jalpy otyrysynda QR Joǵarǵy sotynyń sýdıasy qyzmetinen bosatyldy.
Palata otyrysynda Joǵary sot keńesiniń tóraǵasy Dmıtrıı Malahov Prezıdenttiń usynymyn oqyp berdi.
— Senattyń qaraýyna Berik Nájimıdenovti Joǵarǵy sottyń sýdıasy qyzmetinen bosatý týraly Memleket basshysynyń usynysy engizildi. Ol tájirıbeli zańger jáne qarjylyq qadaǵalaý salasynyń mamany. Prezıdenttiń Jarlyǵymen Berik Tóleýtaıuly Ákimshilik ister jónindegi kassatsııalyq sot tóraǵasy bolyp taǵaıyndaldy. Bul turǵyda onyń basqa qyzmetke taǵaıyndalýyna baılanysty Joǵarǵy sot sýdıasy qyzmetinen bosatý jónindegi usynymdy qoldaýdy suraımyz, — dedi Dmıtrıı Malahov.
Senatorlar bul usynysqa qoldaý bildirip daýys berdi.
Eske salsaq, bıyl jazda jańa kassatsııalyq sottardyń tóraǵalary men sýdıalary taǵaıyndaldy.
Osy oraıda Ákimshilik ister jónindegi kassatsııalyq sot tóraǵasy qyzmetine Berik Tóleýtaıuly Nájimıdenov bekitildi.