Joǵarǵy sot «Eýrazııalyq saýda júıesi» taýar bırjasy jeńip alǵan tenderdi zańsyz dep tanydy

ASTANA. KAZINFORM — Joǵarǵy sot Azyq-túlik kelisim-shart korporatsııasynan «Eýrazııalyq saýda júıesi» taýar bırjasy jeńip alǵan tenderdi zańsyz dep tanydy.

«Kaspıı» taýar bırjasy» AQ resmı saıtynda habarlanǵandaı, QR Joǵarǵy Sotynyń ákimshilik ister jónindegi sot alqasynyń 2025 jylǵy 6 naýryzdaǵy qaýlysyna sáıkes, bırja «Azyq-túlik kelisim-shart korporatsııasy» ulttyq kompanııasy» AQ qarsy is boıynsha kassatsııalyq shaǵymda jeńip shyqty.

Sot 2024 jylǵy 24 sáýirdegi tender qorytyndysy týraly hattamany zańsyz dep tanyp, «Azyq-túlik korporatsııasyna» ony belgilengen merzimde qaıta qaraýdy mindettedi.

Talap aryzǵa astyqty bırjalyq saýda arqyly satýdy uıymdastyrý boıynsha qyzmetterdi satyp alý qorytyndysy sebep boldy. Іs materıaldaryna sáıkes, «Kaspıı» taýar bırjasy» AQ ótinimin tenderlik komıssııa qabyldamaǵan, al basqa bırja — «Eýrazııalyq saýda júıesi» taýar bırjasy» AQ (ESJ) jeńimpaz dep tanylǵan. Joǵarǵy Sot bul iste protsedýranyń buzylýyn, atap aıtqanda ótinim naqty bir negizsiz zańsyz qabyldanbaı qoıǵanyn anyqtady.

Sot qaýlysy Azyq-túlik korporatsııasyna sottyń quqyqtyq ustanymyn eskere otyryp, sheshim qabyldanǵan sátten bastap bir aı ishinde tenderdiń qorytyndylaryn qaıta qaraý týraly nusqama beredi.

Sonymen qatar, talapkerdiń paıdasyna memlekettik baj salyǵy óndirildi.

Sonymen qatar ashyq derekkózderde sáýir aıynda memlekettik rezervterden bıdaıdy satý qorytyndysy sot daýyna sebepshi bolyp otyrǵan sol bırjalyq alańda jalǵasqany týraly aqparat bar.

Azyq-túlik korporatsııasynyń resmı habarlaýynsha, bıdaı saýdasy kún saıyn ESJ bırjasynda ótkizilip jatyr.

Aıta keteıik, Oralda tender ótkizý kezinde básekelestikke qarsy áreketke jol berilgen.