Joǵarǵy sot Dáýlet Turlyhanovtyń ulyna kesilgen úkimdi ózgertti
ASTANA. KAZINFORM – QR Parlamenti Májilisiniń depýtaty Dáýlet Turlyhanovtyń uly Nurasyl Bolattyń jazasy ózgertildi. Bul týraly zańgerler Anna men Oleg Chernovtar Instagram-da jarııalady.
«Májilis depýtaty Dáýlet Turlyhanovtyń uly Bolat Nurasylǵa úkimin ózgertip, eki jylǵa bas bostandyǵynan aıyrý týraly sheshim shyǵarǵan Joǵarǵy Sotqa alǵys aıtamyz. Demek, ol shetelge shyǵa almaıdy, klýbtar men barlarǵa bara almaıdy, ishimdik ishe almaıdy jáne basqa da qylmystardy jasaı almaıdy, probatsııa qyzmetine habarlap, kún saıyn saǵat 23:00–de úıde bolýy kerek», — dep jazdy úkim týraly.
Advokattar túsindirgendeı, Dáýlet Turlyhanovtyń uly bul sharttardy buzsa, sot shartty jazany naqty merzimge aýystyryp, ony kolonııada óteıtin bolady.
«Biz bul úkimmen kelisemiz jáne barlyǵyna qoldaý kórsetkenderi úshin alǵys aıtamyz!», — dep jazdy avtor.
Esterińizge sala keteıik, 2023 jyldyń 9 qazanynda Almaty qalalyq áskerı sotynda zańger Anna Dmıtrıevıch pen onyń kúıeýi Oleg Chernovty soqqyǵa jyqqan Dáýlet Turlyhanovtyń uly Nurasyl Bolatqa qatysty sot úkimi shyqqan bolatyn.
Sotta anyqtalǵandaı, sottalýshy B. 11 aqpanda saǵat 02.00 shamasynda «Eva» túngi klýbynyń janynda buzaqylyq nıetpen jábirlenýshi, erli-zaıypty Ch-ǵa qasaqana ortasha aýyrlyqtaǵy dene jaraqatyn keltirgen.
Sottalýshynyń kinási ózi moıyndaǵan aıǵaqtarymen, jábirlenýshiler men kýágerlerdiń aıǵaqtarymen, saraptama qorytyndysymen, oqıǵa bolǵan jerdi tekserý hattamalarymen dáleldengenin habarlaǵan edik.
Prokýror sottalýshy B-ǵa 1 jyl 6 aı bas bostandyǵyn shekteý túrinde jaza taǵaıyndaýdy suraǵan edi.
«Sot úkimimen Nurasyl Bolat QK 107-babynyń 2-bóligi 1 jáne 5-tarmaqtarynda kózdelgen qylmys jasaǵany úshin kináli dep tanyldy. Oǵan jaza túrinde 1 mln 700 myń teńge aıyppul taǵaıyndaldy», - dep habarlady áskerı sottan.
Sonymen qatar sottalýshydan jábirlenýshilerdiń paıdasyna jalpy 1 000 000 (bir mıllıon) teńge kóleminde moraldyq zııan óndirilgen bolatyn.
Keıin belgili bolǵandaı, Nurasyl Bolat qatardaǵy ásker qataryna shaqyrylǵan jáne 2 shildede áskerı bólimnen qashyp ketken. 3 shildede ol tabylyp, keıin 15 táýlikke qamaýǵa alyndy.
Qazan aıynda sot Nurasyl Bolatty osy baptyń 2-bóliginiń 1 jáne 5 tarmaqtarynda kózdelgen qylmysty jasaǵany úshin kináli dep tanydy. 107 QR QK-niń 1 mln 700 myń teńge mólsherinde aıyppul salýǵa ákep soqty. Sondaı-aq ol eki jábirlenýshiniń árqaısysyna 500 myń teńge tóleýge májbúr boldy.
