Joǵarǵy rada Ýkraına premer-mınıstri men Úkimetiniń otstavkaǵa ketýin qoldady
ASTANA. KAZINFORM - Joǵarǵy rada Ýkraına premer-mınıstri Denıs Shmygaldyń otstavkaǵa ketýin qoldady. Onymen birge Ýkraınanyń barlyq Úkimeti avtomatty túrde otstavkaǵa ketti, dep habarlaıdy Delo.
Shmygaldy jumystan shyǵarýǵa 261 depýtat daýys berdi. Úkimettiń otstavkaǵa ketýi úshin 226 daýys qajet boldy.
Mınıstrler Kabıneti týraly zańǵa sáıkes, Joǵarǵy Radanyń premer-mınıstrdiń otstavkaǵa ketýi týraly sheshim qabyldaýy Úkimettiń barlyq quramynyń otstavkaǵa ketýine ákeledi. Otstavkaǵa ketken Mınıstrler Kabıneti Úkimettiń jańa quramy taǵaıyndalǵanǵa deıin óz mindetin atqara beredi. Bul 17 shildede ótýi múmkin.
Buǵan deıin Zelenskıı Shmygal AQSh-taǵy elshi bolady dep josparlanǵan Rústem Ýmerovtiń ornyna Qorǵanys mınıstri qyzmetine taǵaıyndalatynyn atap ótken bolatyn.
– Denıs Shmygaldyń orasan zor tájirıbesi Ýkraınanyń Qorǵanys mınıstri laýazymynda paıdaly bolatyny sózsiz. Dál osy salada qazir el resýrstarynyń, mindetterdiń maksımýmy jáne jaýapkershilik óte kóp, - dedi prezıdent.
Jańa premer-mınıstr qazirgi ekonomıka mınıstri ıÝlııa Svırıdenko bolady depjosparlanp otyr.
14 shildede Zelenskıı oǵan Ýkraına úkimetin basqarýdy jáne onyń jumysyn aıtarlyqtaı jańartýdy usyndy.
Denıs Shmygal 2020 jyldyń 4 naýryzynan bastap Ýkraınanyń premer-mınıstri qyzmetin atqardy. Ol buǵan deıin otstavkaǵa ketýge ótinish bergen edi.