Joǵalyp ketti dep izdeýde júrgen 7 jasar bala terakt kezinde qurban bolǵan

ASTANA. QazAqparat - Osyǵan deıin joǵalyp ketti, dep izdeýde júrgen avstralııalyq 7 jasar bala Barselonadaǵy terakti kezinde qurban bolǵan. Bul týraly TASS El Pais basylymyna silteme jasap habarlady.

Osy oqıǵaǵa qatysty taratylǵan aqparattarǵa qaraǵanda, Katalonııanyń quqyq qorǵaý organdary balanyń ákesimen habarlasyp úlgerdi. Ol Barselonadan Sıdneıge ushyp shyqty. Terakt kezinde qurban bolǵan bala Ispanııada anasymen birge júrgen. Áıel osy ýaqytta aýrýhanada jatyr.

17 tamyz kúni Barselonanyń týrıster kóp keletin Rambla kóshesinde fýrgon júrgizýshisi qasaqana adamdardy kólikpen taptap ótti. Atalǵan áreketti DAISh terrorıstik uıymy moıyndaryna aldy. Keshirek Katalonııa polıtsııasy Kambrılse qalasynda 5 lańkesti qolǵa túsirdi. Teraktiniń saldarynan 14 adam qurban boldy.