Joǵalyp ketken jýrnalıst T.Ábıev Astanada jaldamaly páterde jasyrynyp júrgen, onyń áreketiniń sebebi anyqtalýda - QR ІІM
ASTANA. 1 qańtar. QazAqparat - Polıtseıler joǵalyp ketken jýrnalıst, «Qazaqstandyq BAQ-tar alıansy» baspasóz klýbynyń basshysy Toqbergen Ábıevti tapty.
Bul týraly Tvıtterde QR ІІM resmı ókili Nurdildá Oraz málim etti.
Eske salaıyq, T.Ábıev 2012 jyldyń 20 jeltoqsany kúni Astana qalasy, Kenesary kóshesi, 40 meken jaıynda ornalasqan «7-Kontınent» bıznes-ortalyǵyndaǵy keńseden shyǵyp, iz-túzsiz joǵalyp ketti. Elordalyq polıtseıler turǵyndardan ony izdestirýge qolǵabys etýdi surady.
«Polıtseıler Toqbergen Ábıevtiń ornalasqan jerin anyqtady. Ol bul ýaqytqa deıin jaldamaly páterde jasyrynyp júrgen. Onyń bul áreketiniń sebepteri anyqtalýda», - dep jazdy Tvıtterdegi paraqshasynda QR ІІM-niń resmı ókili.
