Joǵalyp ketken ýáhabshyl-haker groznyılyq abaqtydan tabylǵan
ASTANA. Sáýirdiń 20-sy. QazAqparat - Sheshenstannyń, Ingýshetııa men Daǵystannyń úkimettik saıttaryna shabýyl uıymdastyrǵany úshin sottalǵan ýáhabshyl-haker Albert Saaev Groznyıdyń tergeýaldy oqshaýlaý abaqtysynda qamaýda otyr, dep habarlaıdy RIA-Novostı agenttigi.
Budan buryn Saaev joǵalyp ketipti degen habar tarap ketken-di. Sottalǵan aıypkerdiń áıeli tergeý amaldaryn uıymdastyrý úshin ony Máskeýden Sheshenstanǵa alyp ketti, dep málimdep edi.
Sáýirdiń 9-ynda Máskeýdiń Kýzmın aýdandyq soty Saaevty eki jylǵa bas bostandyǵynan aıyryp, qatań tártipti kolonııada jazasyn óteýge jáne 35 myń rýbl aıyp tóleýge úkim shyǵarǵan. Daǵystan turǵyny kompıýterlik aqparatty zańsyz paıdalanǵany jáne zalaldy baǵdarlamalar quryp, qoldanǵany jáne taratqany úshin aıypty dep tanyldy.
