Joǵalyp ketken malaızııalyq Boeing izi Avstralııa jaǵalaýynan tabyldy
ASTANa. QazAqparat - Joǵalyp ketken malaızııalyq Boeing izi Avstralııa jaǵalaýynan tabyldy, dep habarlaıdy Associated Press.
Spýtnıktyń bir apta buryn Ońtústik Qytaı teńizinde joǵalyp ketken malaızııalyq Boeing 777-200 (Reıs 370) jolaýshylar ushaǵy bortynan berilgen sońǵy tirkelgen dabyl Úndi muhıtynyń avstralııalyq jaǵalaýynan alynǵan. Bul sońǵy birneshe kún boıy izdestirý-qutqarý jumystary júrgizilip jatqan aýdannan edáýir qashyq.
Malaızııa men Avstralııa jaǵalaýyna deıingi qashyqtyq 4 828 shaqyrymdy quraıdy, bul joǵalyp ketken Boeing sol kezde bar otynymen ushyp jetýi yqtımal eń úlken qashyqtyq.
Malaızııalyq bılik ushaqty ushqyshtardyń biri nemese áýe kemesin basqarýda tájirıbesi bar bireý aıdap ketýi múmkin degen qorytyndyǵa keldi.
Tergeýshiler joǵalyp ketken Boeing 777-200 ushaǵynda jerústi radarlarymen habarlasý qurylǵylaryn aıyryp tastaǵannan keıin ushqysh kabınetinde belgisiz bireý ushaqtyń baǵytyn ózgertýge baǵdarlama jasaǵan. Sondaı-aq bul áreketterdiń bárin tájirıbeli ushqysh jasaǵany týraly aıǵaqtar tabyldy.
Eske sala keteıik, Malaysian Airline System kompanııasynyń 370-shi reısi bortyndaǵy 239 jolaýshysymen Kýala-Lýmpýrdan Malaızııaǵa, Beıjińge, qurlyqtyq Qytaıǵa attannan áýe kemesi bir apta buryn joǵalyp ketti.
Joǵalǵan borttyń ornyn baǵyt ózgergennen keıin 4-5 saǵat ótken berilgen dabyl arqyly spýtnık tapty.
