Joǵalyp ketken malaızııalyq Air Asia ushaǵy reısine 23 adam tirkelmeı qalǵan
ASTANA. QazAqparat - Malaızııalyq AirAsia kompanııasynyń joǵalyp ketken ushaǵyndaǵy jolaýshylar tizimin túgendeý kezinde bul reıske 23 adamnyń tirkelmegeni anyqtaldy. Mundaı málimetter Strait Times gazetiniń elektrondyq nusqasynda jarııalady.
Basylymnyń aqparatynsha, ushaqqa otyrýǵa tirkelmegenderdiń arasynda 4 bala, 8 áıel jáne 11 er adam bolǵan.
Al tirkelgen 155 adamnyń barlyǵy ushaqtyń ishinde bolǵan, dep naqtylaıdy gazet, sonyń ishinde 68 er adam, 70 áıel, 16 bala jáne bir náreste bolǵan, dep habarlaıdy TASS.
Budan buryn habarlaǵanymyzdaı, áýe dıspetcherlik qyzmeti Malaızııanyń Air Asia áýe kompanııasynyń ındonezııalyq Sýrabaıa qalasynan Sıngapýrge ushyp shyqqan ushaǵymen baılanysty joǵaltyp alǵan. Djakartanyń komandalyq-dıspetcherlik pýnkti men QZ 8501 reısi arasyndaǵy baılanys jergilikti ýaqyt boıynsha saǵat 06.17-de úzildi. Malaızııalyq áýe kompanııasynyń Air Asia ushaǵy aýa raıynyń qolaısyzdyǵy saldarynan Belıtýng aralynyń mańyndaǵy sýǵa qulaǵan, dep jazady RIA Novostı jergilikti BAQ-qa silteme jasap .
