Joǵalyp ketken qostanaılyq oqýshy dúkende júrgen
QOSTANAI. QazAqparat - Joǵalyp ketken qostanaılyq jasósipirim tabyldy. Bul týraly oblystyq ІІD baspasóz qyzmeti habarlady.
Búgin polıtsııaǵa er adam habarlasyp, «Qostanaı Plaza» saýda dúkeni mańynan izdeý salynǵan oqýshyǵa uqsas balany kórgenin aıtqan.
«Polıtseıler oqıǵa ornyna baryp, balanyń Nıkolaı Shenkel ekenin anyqtady. Qazirgi ýaqytta oqýshy ata-anasyna tapsyryldy», - dedi oblystyq ІІD baspasóz hatshysy Irına Bejenar.
Eske salsaq, 2004 jyly týǵan Nıkolaı Shenkel keshe Qostanaıdaǵy Ál-Farabı kóshesindegi úıinen shyǵyp ketken bolatyn.
