Joǵalyp ketken Boeing 777 ushaǵyn izdestirý jónindegi sýasty apparatynyń sońǵy mıssııasy bastaldy
ASTANA. QazAqparat - Bluefin-21 sýasty apparaty Úndi muhıtynyń aýmaǵynda Malaysia Airlines kompanııasynyń joǵalyp ketken Boeing 777 synyqtaryn izdeý jónindegi sońǵy mıssııasyna kiristi, dep habarlady reseılik «Jańalyqtar» agenttigi Іzdestirýdi úılestirý ortalyǵyna (JACC) silteme jasap.
Aǵymdaǵy operatsııa aldyn ala boljam boıynsha ushaqtyń qara jáshiginen shyqqan 8 sáýirde ekinshi dabyl alynǵan jerden radıýsy on shaqyrymdyq Úndi muhıtynyń túbin qamtıdy. Operatsııa barysynda apparat osy aımaqtaǵy izdestirý jumystaryn aıaqtap, osy aımaqtan tysqary muhıt túbin zertteýge kirisedi. Ázirge ushaqtyń eshqandaı izderi tabylmaǵany atap ótilgen.
Kýlala-Lýmpýrdan Beıjińge MH370 reısin jasaǵan Malaysia Airlines avıakompanııasynyń Boeing 777-200 avıalaıneri bortyndaǵy 237 jolaýshymen jáne 12 ekıpaj múshelerimen 8 naýryz kúni túnde radar ekrandarynan joǵalyp ketti. Malaızııa premer-mınıstri Nadjıb Razak 24 naýryzda áýe kemesi Úndi muhıtynyń ońtústik bóligine qulady dep habarlady. Bul týraly spýtnık málimetterin taldaý kórsetken. Aldyn ala boljam boıynsha, eshkim de tiri qalmaǵan.
