Joǵalyp ketken áıeldi óltirdi degen kúdikpen er adam ustaldy
ALMATY. QazAqparat - Almaty oblystyq polıtsııasy aýylǵa bara jatqan jolda joǵalyp ketken Aınur Qasymovany óltirdi degen kúdikpen taksı júrgizýshisin ustady, dep habarlaıdy QazAqparat tilshisi.
Oblystyq polıtsııa Departamentiniń baspasóz qyzmeti habarlaǵandaı, 15 maýsymda Aqsý aýdany Jansúgirov aýylynyń turǵyny óziniń ápkesi Aınur Qasymovanyń aýylǵa qaıtar jolda joǵalyp ketkenin habarlaǵan.
43 jastaǵy áıel «Mıtsýbısı Galant» kóligine otyrǵanyn jaqyndaryna telefon arqyly habarlaǵan.
Áıel bir habarlamasynda Saǵabúıen aýyly mańynda kólik buzylyp, jolda ótip bara jatqan Toıota kóligine otyrǵanyn jetkizgen.
Bul aqparatty polıtsııaǵa jetkizilgen «Mıtsýbısı Galant» kóliginiń júrgizýshisi de rastady.
«Áıeldi izdeýge Aqsý aýdandyq polıtsııasynyń jeke quramy túgel jumyldyryldy. Sonymen qatar, oblystyq polıtsııa departamentiniń mamandary da tartyldy. Saǵabúıen men Jansúgirov aýyldarynyń aınalasy túgel tintildi. Nátıjesinde 47 jastaǵy taksı júrgizýshisi ustaldy», - dedi polıtsııa departamentiniń baspasóz qyzmetinen.
Ustalǵan er adam Aınur Qasymovany óltirgenin moıyndap, múrdeni kómgen jerin kórsetti.
«Múrdeniń Aınur ekenin jaqyndary rastady. Qylmysker ony japan dalaǵa kómip ketken. Adam óltirý deregine baılanysty baılanysty sotqa deıingi tergeý isi tirkeldi» - dedi polıtsııa ókilderi.
Ustalǵan 47 jastaǵy taksıst Almaty oblysynyń turǵyny bolyp shyqty. Ol buryn jaýapkershilikke tartylmaǵan.
