Joǵalyp ketken Anna Chakırtova saıajaıdan tabylǵan
ALMATY. QazAqparat - Almatyda iz-tússiz joǵalyp ketken prodıýserdiń búginge deıin qaıda bolǵany týraly sýretshi Kamıla Nuǵmanova Instagram paraqshasynda jarııalady, dep habarlaıdy QazAqparat tilshisi.
Búkil Almaty bolyp izdegen «Tomırıs» fılminiń prodıýseriniń basynan ótken oqıǵa jaıly Kamıla Nuǵmanova baıandap berdi.
«Anna 2 shilde kúni bas aýrýdyń dárisin alýǵa dárihanaǵa shyqqan. Uıaly telefonyn úıde qaldyrǵan. Jol-jónekeı taksı ustap eski otbasylyq saıajaıǵa bet alǵan. Sol jerde túnep, tańerteń júrgizýshi shaqyryp jumysqa barmaq bolǵan. Jol boıy Anna ózin óte nashar sezinedi. Dittegen jerine jetken áıel qalta telefonyn úıde umyt qaldyrǵanyn sol jerde bir-aq biledi. Dárisin qabyldap, saıajaıda esi shyǵasyly-kiresili 4 kúndi ótkizedi. Qazir áıeldiń jaǵdaıy táýlik boıy dárigerlerdiń baqylaýynda. Ol Almatynyń bir aýrýhanasynda jatyr», - dep jazdy Kamıla Nuǵmanova
Sýretshi Annanyń óz-ózine kelýi úshin biraz ýaqyt pen demalystyń qajettigin atap ótti.
Eske sala ketsek, Annanyń uly Alan anasynyń tabylǵany jaıly QazAqparat tilshisine habarlaǵan bolatyn.
