Joǵalyp ketken Air Asia reısine 10 adamnan turatyn otbasy keshigip qaldy
ASTANA. QazAqparat - Sıngapýrge attanǵan joǵalyp ketken Air Asia reısine keshigip qalǵan 10 adamnan turatyn otbasy aman qaldy, dep habarlady RIA Novostı.
Indonezııalyq Sýrabaıdan Sıngapýrge ushyp shyqqan Air Asia kompanııasynyń Airbus A320-200 avıalaıneri jeksenbi kúni dıspetcher radarynan joǵalyp ketti. Sońǵy ret ushaq 03 saǵat 24 mınýtte (máskeý ýaqytymen) baılanysqa shyqqan. Áýe kemesiniń bortynda 155 jolaýshy jáne ekıpajdyń jeti múshesi boldy.
Otaǵasy Arı Pýtro Kaneho Sydney Morning Herald gazetine ol elektrondyq poshtasyn teksermegenin, al oǵan Air Asia avıakomppanııasynan ushý ýaqyty eki saǵatqa erte belgilengenin eskertpegenin aıtty. Degenmen otbasy birneshe mınýt qana keshigip áýejaıǵa jetti. Biraq ta ushaq kóterilip ketken, olar kompanııa qyzmetkerlerimen sózge kelip jatpady, basqa ushaqpen ushýǵa uıǵardy.
Alaıda oǵan sol arada kompanııa ókili kelip, olardy tańǵaldyrǵan jańalyqty jetkizdi. «Sizderge bul tamasha Rojdestvo tartýy boldy. Sizder ushýǵa tıis ushaq apatqa ushyrady», dedi ol úrpıisip qalǵan jolaýshylarǵa.
