Joǵalyp ketken aǵaıyndy eki balany 30 polıtseı qyzmetkeri izdegen
ALMATY. QazAqparat – Almatyda joǵalyp ketken 8-11 jastaǵy aǵaıyndy balany 30 polıtsııa qyzmetkeri izdegen, dep habarlaıdy QazAqparat tilshisi.
Qalalyq PD baspasóz qyzmetiniń habarlaýynsha, balalardyń iz-tússiz joǵalyp ketkeni týraly habarlama polıtsııaǵa 01:45-te túsken.
Ata-analarynyń aıtýynsha, balalar úıden kúndiz shyǵyp ketken, sodan oralmaǵan.
Shuǵyl túrde qurylǵan izdestirý toby, 15 kınolog maman birden shartarapty tinte bastady.
«Birinshiden, jaqyn aradaǵy oryndar tekserildi. Kórshilerden suraq jaýap alyndy. Balalar tańǵy 7.35-te tabyldy. Olar túnimen dámhananyń qasynda otyrǵan. Úıden nege ketip qalǵandaryn túsindirmedi. Biz mindetti túrde balalardyń áleýmettik jaǵdaıyn, otbasynyń turmys tirshiligin tekseretin bolamyz. Balalar úıden beker ketpeıtini anyq», - dedi Alataý aýdandyq PB basshysy Іlııas Ómirserikov.
