Joǵalyp ketken 29 jastaǵy jigittiń denesi Esil ózeninen tabyldy
PETROPAVL. QazAqparat – Esil ózeninen Petropavl qalasynyń joǵalyp ketken 29 jastaǵy turǵynynyń denesi tabyldy, dep habarlaıdy QazAqparat tilshisi.
«Soltústik Qazaqstanda birneshe kún boıy joǵalyp ketken Petropavl qalasynyń turǵyny izdestirilgen bolatyn. 7 tamyz kúni tańerteń Esil ózenine jaqyn toǵannan 1990 jyly týǵan Salyqov Saǵyndyq Erdenulynyń denesi tabyldy. Máıitte eshqandaı jaraqat belgisi joq. Múrde sot-medıtsınalyq saraptamaǵa jóneltildi», - delingen SQO Polıtsııa departamentiniń baspasóz qyzmeti taratqan málimette.
Jas jigit 3 tamyzda joǵalyp ketkeni habarlanyp otyr. Sońǵy ret Hımenko– Jaǵalaý kóshesindegi saýda úıiniń kamerasyna jas jigittiń Esil ózenine bettep bara jatqany túsip qalǵan.
