«Joǵalyp ketip, garajda esin jıǵan qyz»: Jasóspirim oqıǵany oıdan shyǵarǵany anyqtaldy
PAVLODAR. QazAqparat – Pavlodarda joǵalyp ketip, tabylǵan 12 jastaǵy qyzǵa qatysty oqıǵasynyń mán-jaıy anyqtaldy. Pavlodar oblysynyń polıtsııa departamentinde qyz bala asyraýshysy urysady dep, oqıǵany oıdan shyǵarǵanyn málimdedi, dep habarlaıdy QazAqparat.
«22 naýryzda saǵat 18:20-da Pavlodar qalasynyń polıtsııa bólimine Buqar jyraý kóshesindegi úıde turatyn kámelet jasqa tolmaǵan qyz balanyń bir saǵat buryn qoqys tastaýǵa shyǵyp ketip, sol kúıi úıine oralmaǵany týraly habarlama kelip túsken. Іzdeý sharasy birden bastalyp ketken. Qyz balany izdeýge polıtsııanyń barlyq jasaqtary, sondaı-aq Pavlodar qalasynyń eriktileri shyqty. Jasóspirim asyraýshysymen turǵan, buǵan deıin de úıinen birneshe ret ketip qalǵany anyqtaldy. Saǵat 21:30 shamasynda úıine qaıtyp oralǵan ol «qoqys tastaǵan soń, basy aınalyp, esinen tanǵanyn, al kózin ashqanda, beıtanys garaj ne jertólede jatqanyn» aıtty», - dep baıandady Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.
Polıtsııada kámelet jasqa tolmaǵan qyzben ıývenaldy polıtsııa qyzmetkerleri densaýlyq saqtaý organynyń ókili jáne qyzmetkerleri qatysýymen arnaıy áńgime júrgizilgenin atap ótti. Qyz balany mamandar tekserip shyqqan, onyń denesinen eshqandaı jaraqat tabylmaǵan.
Dárigerler tekseristi aıaqtap, barlyq mán-jaı naqtylanǵan soń, qyz balanyń qoqysty tastap, qalada ózdiginen qydyrýǵa shyǵyp ketkeni, alaıda joldan adasyp qalǵany anyqtaldy. Keıinirek ol úıine qaıtyp oralǵan.
«Asyraýshysynyń urysynan qoryqqan ol bul oqıǵany oıdan shyǵarǵan. Qazirgi kezde jasóspirim zańdy ókili – asyraýshysymen úıde otyr», - dep túsindirip ótti polıtsııa departamentinen.
Buǵan deıin joǵalyp ketken 12 jasar pavlodarlyq qyz balanyń esinen tanyp, beıtanys garaj ne jertólede esin jıǵany týraly habarlanǵan bolatyn,
