Joǵalyp ketken pavlodarlyq qylmys jasady degen kúdikpen qamaýǵa alyndy

PAVLODAR. KAZINFORM- Er adam Qaraǵandy oblysy aýmaǵynda asa aýyr qylmys jasaǵan bolýy kerek. Buǵan deıin týystary onyń joǵalyp ketkenin habarlaǵan edi.

Bul týraly Qaraǵandy oblysy polıtsııa departamentiniń baspasóz qyzmetinen habarlady.

«21 naýryz kúni polıtsııa qyzmetkerleri Qaraǵandy oblysynda asa aýyr qylmys jasady degen kúdikpen 29 jastaǵy Pavlodar qalasynyń turǵynyn ustady. Buǵan deıin ony týystary iz-tússiz joǵalyp ketti», — dep habarlaǵan.

Kúdikti qamaýǵa alyndy. Tergeý amaldary júrgizilýde.

Ózge aqparattar tergeý qupııalyǵyna baılanysty jarııalaýǵa jatpaıdy» dep habarlady baspasóz qyzmetinen.

Al Pavlodar oblysy polıtsııa departamenti qamaýǵa alynǵan azamattyń joǵalyp, tabylǵan pavlodarlyq ekenin rastady.

Smn.kz saıtynyń habarlaýynsha ustalǵan jigit ózge bir azamatty pyshaqtap óltirgen.

Eske sala keteıik, Pavlodarda qoshtasý hatyn jazyp, úıinen ketip qalǵan jigit bir aptadan keıin tabylǵanyn jazǵan edik.