Joǵalǵan ushaqtyń jolaýshylarynyń qaza bolǵany anyqtaldy
ASTANA. QazAqparat - Nepal bıligi jeksenbide ishinde 18 adam bolǵan joǵalǵan jolaýshylar ushaǵynyń apatty orny tabylǵanyn habarlady. Ókinishke qaraı, sonymen qatar olar borttaǵy adamdardyń barlyǵy oqıǵa ornynda ajal qushqanyn da aıtyp otyr.
Qazirgi kezde aýa raıynyń qolaısyzdyǵyna baılanysty qutqarý jumystary qıyndady. Ushaqtyń qaldyqtaryn anyqtaǵan áskerı tikushaq apat oryn alǵan jerge qona almaǵan jáne ol jerge ázirge avtokóliktegi qutqarý otrıadtary da jetip úlgermegen.
Laıner Pokhar týrıstik kýrortynan jergilikti ýaqyt boıynsha 13.30-da eldiń batysynda ornalasqan qalalardyń birine qaraı baǵyt alyp ushyp shyqqan. Alaıda 15 mınýt ótkennen keıin radardan joǵalyp ketken. Ushaqtaǵy 18 adamnyń úsheýi - ekıpaj músheleri.
Nepaldyń jolaýshylar áýe flotynyń jaǵdaıynyń tómen bolýyna baılanysty 2013 jyldyń jeltoqsanynda barlyq nepaldyq áýe kompanııalaryna Eýroodaq elderine sapar jasaýǵa tyıym salynǵan bolatyn.
