Joǵalǵan tikushaq: Іzdeý jumystary kúrdeli gıdrografııalyq jaǵdaıda jalǵasýda
ASTANA. KAZINFORM — Іz-túzsiz joǵalǵan tikushaq ekıpajyn izdestirý-qutqarý jumystary 11 táýlikten beri toqtaýsyz júrgizilip keledi. Bul týraly Qorǵanys mınıstrliginiń baspasóz qyzmeti málim etti.
Іzdestirý jumystaryna 330-dan astam áskerı jáne azamattyq maman, 59 birlik avtomobıl tehnıkasy, 23 júzý quraly, 12 ushqyshsyz ushý apparaty, eholottar, georadarlar, avıatsııa men kınologııalyq eseptoptar jumyldyrylǵan.
Qorǵanys mınıstrliginiń mamandarymen qatar, Tótenshe jaǵdaılar mınıstrligi, Іshki ister mınıstrligi jáne basqa da memlekettik qurylymdardyń qyzmetkerleri de tartylǵan.
Qorǵanys mınıstri, avıatsııa general-leıtenanty Dáýren Qosanovtyń tapsyrmasymen arnaıy komıssııa quryldy. Onyń quramyna Memlekettik avıatsııanyń ushý qaýipsizdigi departamentiniń joǵary bilikti mamandary endi. Komıssııanyń bir bóligi tikeleı izdestirý sharalaryna qatyssa, ekinshi bóligi avıatsııalyq oqıǵanyń sebepterin anyqtaýǵa baǵyttalǵan tergeý jumystaryn júrgizip jatyr.
— Ótýi qıyn aýdandarda áýeden barlaý jumystary júrgizilýde. Jaǵalaý beldeýi men kól akvatorııasy muqııat tekserilýde. Sý túbiniń tereń shógýi, kórinýdiń joqtyǵy, aýa raıynyń qubylmalylyǵy sııaqty tabıǵı kedergilerge qaramastan, izdeý táýlik boıy jalǵasyp jatyr. Sondaı-aq, arnaıy jabdyqpen jabdyqtalǵan ǵylymı jáne tehnıkalyq uıymdar da iske tartyldy, — dedi Áskerı-áýe kúshteriniń qolbasshysy, avıatsııa general-maıory Asqar Іzbasov.
Onyń aıtýynsha, tehnıkalyq tergeý aıasynda tikushaqty daıyndaý jáne paıdalaný jónindegi qujattama, meteorologııalyq jáne ornıtologııalyq jaǵdaılar, quqyq qorǵaý jáne avıatsııalyq qyzmetterdiń materıaldary, basqa da yqtımal faktorlar keshendi túrde zerdelenýde.
Іzdestirý jumystary ekıpaj músheleriniń taǵdyry anyqtalyp, oqıǵanyń sebep-saldary tolyq aıqyndalǵanǵa deıin jalǵasady.
Aıta keteıik, tikushaqty izdestirý jumystary qashan aıaqtalatyny habarlanǵan bolatyn.