Joǵalǵan tikushaq: Sorbulaq aýmaǵynda izdestirý-qutqarý jumystary táýlik boıy jalǵasyp jatyr
ASTANA. KAZINFORM – 25 shildede josparly ushyp ótý kezinde joǵalǵan Áýe qorǵanysy kúshteriniń EC-145 tikushaǵynda bolǵan adamdardyń ornyn anyqtaý maqsatynda Sorbulaq sý qoımasy aýdanynda aýqymdy izdestirý-qutqarý operatsııasy táýlik boıy jáne kúsheıtilgen rejımde júrgizilip jatyr.
Іzdestirý jumystaryna shamamen 400 adam, 70-ten astam jerústi tehnıkasy, 21 júzý quraly, 10 ushqyshsyz ushý apparaty, eholottar, sýasty barlaý quraldary jáne kınologııalyq eseptoptar jumyldyrylǵan.
Operatsııa ornyna basshylyq jasaýdy Qazaqstan Qarýly Kúshteri Áýe qorǵanysy kúshteriniń qolbasshysy avıatsııa general-maıory Asqar Ǵadylshuly Іzbasov júzege asyrýda. Ol barlyq qatysýshy bólimsheler men qyzmetterdiń jumysyn úılestirip otyr.
Jumyldyrylǵan kúshter men quraldar:
Qorǵanys mınıstrligi: 193 áskerı qyzmetshi, 4 ushqyshsyz ushý apparaty, 25 birlik tehnıka, 8 júzý quraly. Qosymsha áýeden barlaý uıymdastyrylǵan.
Tótenshe jaǵdaılar mınıstrligi: 87 adam, 22 tehnıka, 10 júzý quraly, 7 ushqyshsyz ushý apparaty, 2 eholot, qutqarýshy súńgýirler jáne 2 kınologııalyq eseptop.
Іshki ister mınıstrligi: 102 qyzmetker, 30 tehnıka. Jergilikti atqarýshy organ (ákimdik): 2 avtokólik, 3 júzý quraly.
Sý qoımasynyń akvatorııasy men jaǵalaý aımaǵy, sonyń ishinde qıyn jetetin jáne tereń ýchaskeler keshendi túrde zerttelýde. Іzdestirý-qutqarý jumystary kúndiz-túni toqtaýsyz júrgizilýde.
Joǵalǵandardyń týystarymen turaqty jáne nysanaly jumys uıymdastyrylǵan. Olar izdestirý barysy týraly ýaqtyly habardar etilip otyr.
Aıta keteıik, Sorbulaq – TMD aýmaǵyndaǵy eń iri jáne álemdegi eń iri tehnogendi sý qoımalarynyń biri. Ol Almaty oblysynyń soltústik-batysyndaǵy tabıǵı tuıyq oıysta ornalasqan.
Sý qoımasynyń erekshelikteri:sýasty bederiniń kúrdeliligi jáne túbiniń laılanýy; tereńdiktiń 22 metrge deıin jetýi; sý almasýdyń baıaýlyǵy; sýdyń kórinbeýi, túbinde laı men baldyrlardyń mol bolýy.
- Atalǵan tabıǵı jáne tehnogendik jaǵdaılar izdestirý jumystary men súńgýirlerdiń qyzmetin edáýir qıyndatady. Bul joǵary dáldikti, úılesimdi áreketti jáne zamanaýı tehnıkalyq jabdyqtardy qajet etedi. Іzdestirý-qutqarý operatsııasy naqty nátıje alynǵanǵa deıin jalǵasady. Onyń barysy men qorytyndylary týraly qosymsha habarlanady, - delingen aqparatta.
Aıta keteıik, TJM qutqarýshylary joǵalǵan tikushaqtyń bólshekterin tapty.