Joǵalǵan tikushaqty izdestirý júrgizilgen aýmaqtyń spýtnık arqyly túsirilgen jer ústi beınesin alý úshin Frantsııamen kelissózder júrgizilýde - QR KKM
ASTANA. 27 qarasha. QazAqparat - Qazirgi ýaqytta MI-8 tikushaǵyn izdestirýge 3 tikushaq pen 54 adamnan, 13 birlik tehnıkadan quralǵan toptar jumyldyrylǵan. Budan basqa, Alakól kólinde arnaıy tehnıkamen jabdyqtalǵan qaıyqtar arqyly izdestirý jumystary júrgizilýde. Іzdestirý jumystaryna shekara otrıadynyń áskerleri de tartylǵan.
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Búgingi kúnge 26 000 sharshy km quraıtyn aýmaq tekserilgenimen tikushaq tabylǵan joq.
Áýe kemesiniń qulaýy múmkin degen oryndardy anyqtaý maqsatynda zertteý aýmaǵyndaǵy jer bederiniń terbelisin taldaý úshin geofızıkalyq zertteýler ınstıtýty tartyldy. Osymen birge, izdestirý júrgizilgen aýmaqtyń spýtnık arqyly túsirilgen jer ústi beınesin alý úshin Frantsýz mamandarymen kelissózder júrgizilýde.
QR Kólik jáne kommýnıkatsııa mınıstrligi Azamattyq avıatsııa komıtetiniń aqparatyna sáıkes, 2012 jylǵy 24 qarashada joǵalyp ketken Mı-8 tikushaǵy aǵymdaǵy jyldyń qyrkúıek aıynda Novosıbırsk avıajóndeý zaýytynda kúrdeli jóndeýden ótken. Ushýǵa jaramdylyǵy týraly sertıfıkat 2012 jylǵy 18 qyrkúıekte 2 jyldyq merzimge berilgen. Kelesi jóndeý jumystaryn júrgizý aralyǵyndaǵy ushýǵa jaramdy 2000 saǵattyń tikushaq tek 221 saǵatyn ǵana ushqan. ıAǵnı, tikushaqtyń ushý saǵaty boıynsha resýrsy jeterlik.
Úılestirý ortalyǵy IKAO-nyń standarttaryna sáıkes aǵymdaǵy jyldyń kókteminde, Qazaqstan Respýblıkasynyń Tótenshe jaǵdaılar, Kólik jáne kommýnıkatsııa, Qorǵanys mınıstrlikteriniń birlesken sheshimimen quryldy.
Atalǵan ortalyq izdestirý-qutqarý jumystaryn úılestirýmen aınalysady. Al, izdestirý sharalaryn basqarýmen Úsharal qalasynda qurylǵan shuǵyl shtab aınalysýda.
Mı-8 tikushaǵy «Evro-Azııa Eır» áýekompanııasy» AQ-na tıesili. Avıatsııalyq jumystardy júrgizýge ruqsat beretin sertıfıkaty bar, atap aıtqanda: áýede túsirilim júrgizý, orman sharýashylyǵyna qatysty qyzmetterdi atqarý, kóliktik baılanystyrýshylyq ushýlardy júrgizý jáne t.b.
Paıdalaný týraly sertıfıkaty men avıatsııalyq jumystardy júrgizýge ruqsat beretin kýáligi 2013 jyldyń naýryz aıyna deıin jaramdy.
Eske sala keteıik, Mı-8 tikushaǵy «Qazaqstan-Qytaı qubyr jelisi» JShS Atasý-Alashańqaı munaı qubyryna áýeden baqylaý júrgizý úshin áýege kóterilgen. Belgilengen ýaqytta ekıpaj áýe qozǵalysyn qamtamasyz etý dıspetcherimen radıobaılanysqa shyqpaǵan. Qazirgi ýaqytqa deıin tikushaqtyń qaı jerde ekendigi týraly aqparat joq.
