Joǵalǵan Petropavl turǵyny Túrkııadan tabyldy
PETROPAVL. QazAqparat - Іz-túzsiz joǵalǵan Petropavl turǵyny Túrkııadan tabyldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
«Shytyrman oqıǵalardy jany súıetinder kóbinese týystaryna habar berýdi umytady nemese olardyń habaryn jaýapsyz qaldyrady», - deıdi SQO ІІD qylmystyq polıtsııa basqarmasynyń bastyǵy, polıtsııa polkovnıgi Petr Klımov.
Petropavldyq jedel qyzmetkerler bıyldyń ózinde qalanyń eki áıel turǵynyn izdedi. Olardyń biri Túrkııadan tabyldy. Boıjetken ata-anasyna eskertpesten, demalý úshin ketip qalǵan. Al ýaıymǵa salynǵan ata-ana qyzymyzdy joǵalttyq dep polıtsııaǵa júgingen. Іzdeý jarııalanǵan ekinshi áıel týystaryna habar bermeı, qurbylarymen kóńil kóterýge ketken.
Qazir SQO polıtseıleri ótken jyldarda iz-túzsiz joǵalǵan 49 adamdy izdep jatyr. Bıyldyń ózinde onnan astam týystary joǵalǵanyn aıtyp habarlasqan. Sonyń ekeýin izdeý jumystary jalǵasýda.
