Joǵalǵan mıgrant balalarǵa qatysty zertteý Eýroodaqtyń jýrnalıstıka salasyndaǵy syılyǵyn jeńip aldy
ASTANA. KAZINFORM – Ondaǵan myń mıgrant balanyń joǵalyp ketýine qatysty zertteýdiń avtorlary Dafne Karýana Galıtsııanyń 2024 jylǵy jýrnalıstıka salasyndaǵy syılyǵyn jeńip aldy, dep habarlaıdy Kazinform agenttigi euronews-ke silteme jasap.
Gollandııalyq jýrnalıst Geese van Harenniń jetekshiligimen júrgizilgen Lost In Europe zertteýinde 2021 jyldan beri Eýropaǵa kelgen mıgrant balalardyń jyl saıyn orta eseppen 47-si joǵalyp ketetindigi anyqtaldy.
Zertteý 31 elde, sonyń ishinde Avstrııa, Germanııa jáne Italııada qujattama men esep berýdegi sáıkessizdikterdi kórsetti. Bul joǵalǵan balalardyń naqty sany odan da kóp bolýy múmkin degen kúdik týǵyzdy.
- Tipti 51 433 bala joǵalyp ketkendigi jaıly aıtylady. Sońǵy ret 2021 jyly zertteý júrgizgenimizde 18 myń bala ǵana iz-túzsiz joǵalǵan. Osylaısha, joǵalǵandar kúrt kóbeıip otyr, - deıdi Geese van Haren.
Zertteý balalardyń kóbi adam saýdasynyń qurbanyna aınalatynyn kórsetti.
Lost In Europe komandasy Strasbýrgte ótken saltanatty sharada Eýroparlament atynan marapatqa ıe boldy.
Osyǵan deıin Notr-Dam shirkeýine kirý aqyly bolýy múmkin ekeni týraly jazdyq.
