Joǵalǵan malaızııalyq Boeing ushaǵyn Úndi muhıtynan izdeýge 10 ushaq jumyldyryldy
ASTANA. QazAqparat - Úndi muhıtynan joǵalǵan malaızııalyq Boeing 777-200 ushaǵyn izdeýge 10 ushaq, sonymen birge Malaızııa ÁÁK-niń eki kóliktik ushaǵy jumyldyryldy, dep habarlady ITAR-TASS.
Bul týraly Avstralııanyń teńizdegi keme qatynasy qaýipsizdigi qyzmetinen habarlady.
Onyń málimetterine qaraǵanda, Avstralııanyń batys jaǵalaýynan shamamen 1,8 myń shaqyrym ornalasqan aýdanda 10 keme, sonyń ishinde jeti qytaı kemesi bar. Sońǵy birneshe kún boıy ushaqtardyń ekıpaj músheleri baıqap qalǵan birneshe synyqtar sýdan shyǵaryldy. Alaıda olardyń «Malaızııa áýejelileriniń» laınerine qatysy joq.
Bul aýdan 319 myń shaqyrym soltústikke qaraı - muhıt keńistiginde Ońtústik jarty sharda 40 pen 50 gradýs aralyǵynda teńiz daýyly jıi bolmaıtyn jerde. Іzdeý aımaǵyndaǵy aýa raıy áldeqaıda qolaıly, ol jumysty jeńildeteri sózsiz. Alaıda sol jerde keme baǵyty jandana túsken jáne sýda qoqys óte kóp.
Muhıttyń osy bóligine «Ocean Shield» avstralııalyq kemesi jiberildi. Onyń bortynda AQSh-tan jetkizilgen joǵary sezgish qasıetke ıe gıdrolokator bar. Ol 6 myń metrden astam tereńdikte ushaqtyń «qara jáshigin» estý qabiletine ıe.
Mamandar osy jańa qurylǵyǵa erekshe úmit artyp otyr. «Bári izdeý aımaqtaryn barynsha azaıtýǵa baılanysty», - dep eskertti gıdrolokatordy basqaratyn AQSh-tyń ÁTQ kapıtany Mark Metıýz. - Shamasy, búkil Úndi muhıtynan izdeıtin shyǵarmyz».
Malaızııa kompanııasyna tıesili laıner «Kýala-Lýmpýr-Beıjiń» baǵyty boıynsha reıske 7 naýryz kúni shyqqan. Onyń bortynda 227 jolaýshy men 12 ekıpaj múshesi bolǵan. Ushaqpen baılanys ol Malaızııa astanasynan ushyp shyqqannan keıin eki saǵat ótkesin úzilgen
