Joǵalǵan Boıngty izdeý aýmaǵynda belgisiz nysandar tabyldy
ASTANA. QazAqparat - Búgin Malaızııa bıligi Frantsııadan jańa sýretter alǵanyn habarlady. Spýtnıkten Úndi muhıtynyń ońtústik bóliginen túsirilgen sýretterdegi sulbalar Malaysia Airlines kompanııasynyń joǵalǵan ushaǵynyń synyqtary bolýy yqtımal degen boljam aıtylyp otyr, dep habarlaıdy «Azattyq».
Bul, osymen, "úmit otyn uıalatyp otyrǵan" úshinshi sýretter toptamasy. Atalǵan aımaqta halyqaralyq deńgeıde ushaqty izdestirý sharalaryn úılestirýmen Avstralııa aınalysyp jatyr.
Búgin Avstralııa premer-mınıstri Tonnı Ebbott «ushaqty tabýǵa degen úmit ulǵaıa tústi» dep málimdedi.
Naýryzdyń 8-i kúni Malaızııa astanasy Kýala-Lýmpýrden Qytaı astanasy Pekınge ushyp shyqqan, bortynda 239 adam bolǵan MH370 reısi - Boeing 777 jolaýshylar ushaǵy eshqandaı dabyl belgisin bermesten, baǵytyn aýystyratynyn ıa basqadaı problemalar týyndaǵanyn habarlamastan iz-tússiz joǵalyp ketti. Sońǵy ret dıspetchermen baılanysqa shyqqan kezde ushaq Malaızııanyń shyǵys jaǵalaýynan 220 shaqyrymdaı qashyqtyqta bolǵan.
Ushaqty izdestirýge qazir 25 memleket qatysyp otyr.
