Joǵalǵan «Boıng» ushaǵynyń jolaýshylarynyń týystaryna ótemaqy tólenip jatyr
ASTANA. QazAqparat - Joǵalyp ketken malaızııalyq «Boıng» ushaǵynyń jolaýshylarynyń týǵan-týystaryna ótemaqy tólenip jatyr. Sál burynyraq Malaızııa bıligi áýe kemesiniń apatqa ushyrap, onda bolǵan jolaýshylardyń barlyǵynyń qaza tapqandyǵyn resmı túrde habarlaǵan bolatyn.
Bul týraly Qytaıdyń Sınhýa agenttigi habarlaıdy.
Kýala-Lýmpýrde jáne Pekınde olarǵa qoldaý kórsetý toptary qurylǵan. Al Avstralııanyń Pert qalasynda jergilikti qytaı qaýymdastyǵy jolaýshylardyń týystaryn qabyldaý úshin ázirlik ústinde.
«Munda keletin kóptegen otbasylarǵa bizdiń moraldyq ta, zańdyq ta turǵydan kómekterimiz asa qajet. Bul turǵyda bizdiń olardyń tilin túsinip, mádenıetin biletindigimiz asa mańyzdy», - deıdi qaýymdastyq ókili Sammı Iap.
Aıta keteıik, buǵan deıin Avstralııa úkimeti «Boıng» ushaǵynyń jolaýshylarynyń jaqyndaryn qabyldaý úshin barlyq jaǵdaıdy jasaıtyndyqtaryn jáne Pekınmen birlese otyryp Kýala-Lýmpýrden qaıǵyly oqıǵanyń mán-jaıy týraly shynaıy ári naqty aqparatty alý úshin tabandylyq tanytatynyn jetkizgen bolatyn.
