Joǵalǵan «Boeing-777» ushaǵyn izdestirýge Qytaı 10 spýtnıkti jumyldyrdy
ASTANA. QazAqparat - QHR «Boeing-777-200» ushaǵyn izdestirý operatsııasyna 10 jer serigin paıdalanyp jatyr. Bul týraly «Tszefantszıýn bao» gazetiniń saıtynda habarlandy, dep jazady ITAR-TASS.
Jer serikteriniń negizgi maqsaty - izdestirý-qutqarý sharalary júrip jatqan aýmaqta joǵary sapaly ǵaryshtyq beınelerdi jasaý. Sonymen qatar olar operatsııaǵa qatysýshylar arasynda baılanys pen meteorologııalyq ahýaldyń monıtorıngin qamtamasyz etedi. Esterińizge sala keteıik, «Malaysia Airlines» áýe kompanııasynyń 239 jolaýshysy bar ushaǵy senbige qaraǵan túnde joǵalyp ketken edi. Ushaqta 227 jolaýshy men 12 ekıpaj múshesi bolǵan. Boeing 777-200 ushaǵy Kýala-Lýmpýrdan Beıjińge baǵyt alǵan eken. Ushaq radardan jergilikti ýaqyt boıynsha 02.40 shamasynda, áýege kóterilgenine 19 mınýt bolǵanda joǵalyp ketken. Jolaýshylardyń arasynda Reseı, Ýkraına, AQSh, Italııa, Frantsııa jáne Qytaı azamattary bolǵan.
