Joǵalǵan áıel Almaarasan taýlarynan tabyldy

ALMATY. QazAqparat - 7 qańtarda 1983 jyly týǵan týrıst áıel taýlarǵa, «Terra» alańyna jalǵyz ózi shyqqan. Jaıaý serýendeýdi aıaqtaǵannan keıin, ol kólikke túsý kezinde telefonyn jáne baqylaý taıaqshalaryn joǵaltyp aldy. Áıel taýdan túsip bara jatqanda, shamaly qar kóshkini túsip, zardap shegýshini qulatyp, «Prohodnaıa» ózenine qaraı alyp ketti, dep habarlaıdy QazAqparat.

9 qańtarda saǵat 5.00 shamasynda TJM «RJQJ» MM kezekshi bólimine Almaarasan shatqalynda joǵalǵan áıel týraly shaqyrý tústi. Jeke quramnyń 11 qutqarýshysy, onyń ishinde 1 kınologııalyq eseptoptan turatyn jedel top 2 avtomobıl tehnıkasymen qutqarýǵa shyqty.

«RJQJ qyzmetkerleri týrısti túni boıy jartasty jáne qarly taýlardan izdedi. Odan bólek, birneshe eriktiler uıymdary, sonyń ishinde «Dobrospas» jáne «Lıder», sondaı-aq «Qutqarý qyzmeti» qatysty. Іzdeý jumystary túni boıy jalǵasty. Túngi saǵat 4-ke taıaý zardap shekken týrıst tabyldy jáne barlyq izdeý toptary berilgen koordınattarǵa qaraı jyljydy. Qutqarýshylar barlyq qajetti kómek kórsetip, týrıstti Prohodnoe shatqalyna tasymaldaýdy bastady. Tasymaldaý aıaqtalǵannan keıin zardap shegýshi AMO brıgadasyna berildi», - dep jazdy TJM-nan.

Foto: TJM baspasóz qyzmeti