Joǵalǵan almatylyq oqýshy Shymkentte tabyldy
ALMATY. QazAqparat - Almatyda joǵalyp ketken Sultan Álibek Shymkentten tabyldy.
Bul týraly izdestirý jumystaryna qatysqan eriktilerdiń biri, qoǵamdyq qaýipsizdik jónindegi keńestiń múshesi Islam Ýgýshev habarlady.
«Iá, biz Álibekti taptyq, ol aman-esen. Ony Shymkenttiń avtobeketinen taýyp aldyq. Ol jerge qalaı jetkenin bilmeımiz. Avtobýs júrgizýshileri ony Shymkentke deıin serik retinde alýy múmkin degen boljam ǵana jasaı alamyz. Biraq júrgizýshiler onyń bala ekenin túsinýi kerek edi ǵoı. Ata-analary jaqsy adamdar, ishimdik ishpeıdi. Qalanyń shetinde turatyndary bolmasa. Mańaılary jazyq dala, qamystar. Ol jamandyqqa ushyrap qaldy ma dep qoryqtyq», - dedi ol.
Álibek Sultandy izdestirýge 50-ge jýyq erikti atsalysty. Іzdestirý jumystaryna qatysa almaǵandar materıaldyq turǵyda kómektesti - olar KIWI-ámııanǵa aqsha aýdardy.
Buǵan deıin habarlanǵandaı, Álibek Sultan 23 qyrkúıek kúni saǵat 08.00 shamasynda bir shaqyrym jerde ornalasqan mektebine barý úshin úıinen shyǵyp ketken. Ol otbasymen birge Іle aýdany «Veteran» tutynýshylyq kooperatıv baǵbandyq seriktestigi, Abrıkosovaıa, 67 meken jaıynda turady.
