Joǵalǵan alpınısterdi qalaı izdep jatqany týraly vıdeo jarııalandy

NUR-SULTAN. QazAqparat – Qazaqstan áskerıleri joǵalǵan alpınısterdi izdep Jeńis shyńyn sholǵyndady. Bul týraly QR Qorǵanys mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Qazaqstan áskerıleri Qyrǵyzstanda Jeńis shyńyn teplovızormen sholǵyndap, aınala ushyp shyqty. Qazirgi ýaqytta olar bazalyq lagerde. Teplovızordyń kómegimen alynǵan aqparatty óńdep jatyr. Sodan keıin olar budan ári qalaı áreket etýge sheshim qabyldaıdy», - dep atap ótedi vedomstvodan.

Eske salsaq, almatylyq alpınıster toby Qyrǵyz taýlarynda joǵalǵan. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi. Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady. Sondaı-aq, QR Qorǵanys mınıstrligi alpınısterdi qutqarý operatsııasyn bastady.