Joǵalǵan 15 jasar qyz eki kúnnen keıin tabyldy -Túrkistan oblysy
TÚRKІSTAN. QazAqparat - Arys aýdandyq polıtsııa bólimine jergilikti turǵyn aryzdanǵan. Áıeldiń aıtýynsha, onyń 15 jasar qyzy mektepten tisimdi emdetemin dep suranyp ketip, sodan iz-túzsiz joǵalǵan, dep habarlaıdy QazAqparat Túrkistan oblysy PD-nyń baspasóz qyzmetine silteme jasap.
Ata-anasy ózdiginen 2 kún boıy izdep, tappaǵannan keıin polıtseılerden kómek suraǵan.
Atalǵan habarlamany alysymen polıtseıler birden izdeýge kirisedi. Kórgen-bilgenderden surastyrady. Barýy múmkin jerler muqııat tekseriledi. Dostarynan, týystarynan jaýap alynady.
Jaqyn aýmaqtaǵy aýlalar qaralady. Osylaı jan-jaqty 2 táýlik boıy júrgizilgen izdestirý jumystary barysynda, Arys qalasynyń kósheleriniń birinen qyzdy taýyp, ata-anasyna aman-esen tabystaıdy.
Tekserý barysynda, jasóspirim qyz otbasylyq kıkiljińnen qashyp, birneshe kún qaladaǵy aýlalardyń birinen jasyrynatyn qýys taýyp alyp, sonda dalada qonyp kelgenin jetkizdi. Qazirgi tańda oqýshy qyzdyń ata-anasyna qatysty QR ÁQBtK-niń 127-babymen shara kórý máseleleri qaralýda. Odan bólek, 15 jastaǵy boıjetkenniń budan aldynda bir ret úıinen ketip qalǵany belgili boldy.
