Jobalyq menedjmentti damytýǵa arnalǵan ulttyq konkýrs bastaldy
NUR-SULTAN. QazAqparat - Qazaqstanda jobalyq menedjment júıesin damytýǵa arnalǵan «Qazaqstan Project Management Awards 2021» ulttyq konkýrsy bastaldy, dep habarlaıdy QazAqparat.
Konkýrsty QR Ulttyq ekonomıka mınıstrligi QR Memlekettik qyzmet isteri agenttigimen jáne QR Prezıdenti janyndaǵy Memlekettik basqarý akademııasymen birlesip uıymdastyrýda.
Bıylǵy jyly konkýrstyń aýqymy keńeıip, endi oǵan memlekettik organdar ǵana emes, kvazımemlekettik sektor sýbektileri, úkimettik emes uıymdar, joǵary oqý oryndary, shaǵyn jáne orta bıznes sýbektileri de qatysa alady. Konkýrs kelesi nomınatsııalar boıynsha ótkiziledi:
«Jyldyń úzdik jobasy»
«Jyldyń úzdik jobalyq keńsesi»
«Jyldyń úzdik joba menedjeri»
Sondaı-aq, kelesideı arnaıy nomınatsııalar qarastyrylǵan: «Úzdik RM-treneri», «Úzdik genderlik joba», «Balaǵa meıirimdi úzdik joba».
Baıqaý qorytyndysynda jobalyq menedjmenttiń úzdik tájirıbelerin qoldana otyryp iske asyrylyp jatqan nemese iske asyrylǵan úzdik jobalar irikteledi. Sonymen qatar, jobalardy barynsha tıimdi basqara alatyn kóshbasshylar – úzdik joba menedjerlerin de anyqtaý kózdelgen. Odan bólek, negizgi nomınatsııalardyń biri - «Jyldyń úzdik jobalyq keńsesi» bar, ol durys qurylǵan uıymdyq qurylymdy anyqtaý maqsatynda júrgiziledi.
Atalǵan konkýrstaǵy artyqshylyqtardyń biri – onlaın-forýmnyń ótkizilýi. Jeńimpazdar jobalyq menedjment boıynsha jumys tájirıbesimen bólisip, onyń basty artyqshylyqtary týraly oılaryn jetkize alady.
Konkýrsqa qatysýǵa ótinimdi QR Prezıdentiniń janyndaǵy Memlekettik basqarý akademııasynyń saıtynda https://www.apa.kz/ru/konkurs/ onlaın túrde berýge bolady. Sondaı-aq, bul saıtta qatysý erejelerine, esepterdi toltyrý formalaryna jáne basqa da qajetti aqparatqa qatysty barlyq tolyq aqparat ornalastyrylǵan.
Uıym atynan barlyq úsh negizgi jáne arnaıy nomınatsııalar boıynsha ótinim berýge nemese bir nomınatsııa boıynsha birneshe ótinim berýge bolady. Konkýrstyń formaty ony «Memlekettik organdar», «Bıznes», «Úkimettik emes uıymdar», «Kvazımemlekettik sektor», «JOO-y» sanattary arasynda jeke-jeke ótkizýdi kózdeıdi. Mysaly, eger qatysýshy «Memlekettik organ» sanaty boıynsha ótinim berse, onda onyń jobasy konkýrsqa tek osy sanat boıynsha ǵana qatysady.
Konkýrsta «Jyldyń úzdik jobasy», «Jyldyń úzdik joba menedjeri», «Jyldyń úzdik jobalyq keńsesi» nomınatsııalary boıynsha kelesideı júldeli oryndar qarastyrylǵan:
1-oryn – kýbok; 2-oryn – sertıfıkat; 3-oryn – sertıfıkat.
Konkýrs kelesi kezeńderden turady:
1-kezeń – 2021 jylǵy 1 qyrkúıekke deıin ótinimderdi qabyldaý
2-kezeń – 2021 jylǵy 15 qyrkúıekke deıin esepterdi qabyldaý
3-kezeń – 20-30 qyrkúıek aralyǵynda baǵalaýshylardyń (asessorlardyń) jeke baǵalaýy
4-kezeń – 1-5 qazan aralyǵynda baǵalaýshylardyń (asessorlardyń) komandalyq baǵalaýy
5-kezeń – 20-30 qazan aralyǵynda qatysýshylarmen vırtýaldy suhbat
6-kezeń – 1-15 qarasha aralyǵynda fınalısterdi anyqtaý
Konkýrstyń fınalısteri qazylar alqasynyń otyrysynda anyqtalatyn bolady, onyń quramyna 20-ǵa jýyq adam kiredi, olardyń 50% – Prezıdent Ákimshiliginiń, Qazaqstan Respýblıkasy Prezıdenti janyndaǵy Memlekettik basqarý akademııasynyń, Ulttyq jobalyq keńseniń ókilderi. Qalǵan jartysyn jobalyq qaýymdastyqtyń ókilderi quraıdy.
