«JMQ- menedjment» basqarýshy kompanııasynyń dırektory taǵaıyndaldy - «Samuryq-Qazyna» JM» AQ Dırektorlar keńesiniń sheshimi
ASTANA. Sáýirdiń 6-sy. QazAqparat - «Samuryq-Qazyna» jyljymaıtyn múlik ortalyǵy» AQ Dırektorlar keńesiniń 2010 jylǵy naýryzdyń 3-indegi sheshimine sáıkes Aısultan Akchýrın «Samuryq-Qazyna» jyljymaıtyn múlik ortalyǵy» AQ Basqarmasy Tóraǵasynyń orynbasary qyzmetinen bosatylyp, «Jyljymaıtyn múlik qory- menedjment» JShS basqarýshy kompanııasynyń dırektory bolyp taǵaıyndaldy,
dep habarlady kompanııanyń baspasóz qyzmetinen.
Bul seriktestik negizinen turǵyn jáne kommertsııalyq úı-jaılardy jalǵa berý, sondaı-aq Jyljymaıtyn múlik qorynyń nysandaryn paıdalaný jáne olarǵa tehnıkalyq qyzmet kórsetý jumystarymen aınalysady.
Sonymen qatar, 2010 jylǵy naýryzdyń 29-ynan bastap basqa jumysqa aýysýyna baılanysty basqarýshy dırektor-basqarma múshesi Ernar Nurǵalıev qyzmetinen bosatyldy.
Qazirgi tańda «Samuryq-Qazyna» jyljymaıtyn múlik qory» AQ Basqarmasynyń quramyna myna adamdar kiredi: Ámrın Gosman Kárimuly - Basqarma tóraǵasy, Koşanova Janarkúl Toǵyzbaıqyzy - Basqarma tóraǵasynyń orynbasary, Imanqulov Murat Seıdáliuly - Basqarýshy dırektor.
«Samuryq-Qazyna» jyljymaıtyn múlik qory» AQ - «Samuryq-Qazyna» Ulttyq ál-aýqat qory» AQ-nyń enshiles uıymy, Qazaqstan Respýblıkasy Úkimetiniń, Ulttyq Bankiniń jáne Qarjy naryǵy men qarjylyq uıymdardy retteý jáne qadaǵalaý jónindegi agenttiginiń 2009-2010 jyldarǵa ekonomıkany jáne qarjy júıesin turaqtandyrý boıynsha birlesken is-áreketter josparyn júzege asyrý sheńberinde ústimizdegi jyldyń naýryz aıynda qurylǵan.
