JQZ joǵary keńistiktik ruqsattaǵy jerserigi 2014 jyldyń sońynda iske qosylady - T.Musabaev
dep habarlady Qazaqstan Respýblıkasy Ulttyq ǵarysh agenttiginiń tóraǵasy Talǵat Musabaev Rrimeminister.kz saıtyna bergen suhbatynda.
«Orta keńistiktik ruqsattaǵy jerserikti aǵymdaǵy jyldyń sońynda iske qosýdy josparladyq. Bul - jerdi qashyqtyqtan zondtaý jerserigi. 2014 jyldyń sońynda joǵary keńistiktik ruqsattaǵy jerserigin iske qosýymyz kerek», - dedi T.Musabaev.
Sonymen qatar, ol bul jerserikterdi Frantsııadaǵy jáne Ulybrıtanııadaǵy seriktester jasaıtynyn atap ótti.
Osylaısha, Frantsııadan kelgen strategııalyq seriktestermen birge EADS «Astrium» kompanııasymen joǵary keńistiktik ruqsattaǵy jerserigi Týlýza qalasyndaǵy zaýytta, al ortasha keńistiktik ruqsattaǵy - Anglııada Sıýrreı graftyǵyndaǵy Gılford qalasynda SSTL kompanııasymen jasalady.
Sonymen qatar, qashyqtyqtan zondtaý júıesine arnap jerde ınfraqurylym jasalýda.
«Qazir biz Astanada «Astana-Jańa qala» AEZ aýmaǵynda qashyqtyqtyq zondtaý júıesin quryp jatyrmyz. Biz «Ulttyq ǵarysh ortalyǵy» atty tutas bir qalashyq salýdamyz, onda jerseriktiń ózin basqarýdyń jerdegi kesheni jáne jerserikterinen alynǵan málimetterdi qabyldap, óńdeý boıynsha ortalyǵy bar JQZ arnalǵan barlyq ınfraqurylym ornalasady», - dep jalǵady óz sózin Qazǵarysh basshysy.
«Sýretterdiń ózi onsha baǵaly emes, olardan alynǵan málimetter tótenshe jaǵdaılar jáne olardy joıý, ekologııa, naqty egis alqaptaryn anyqtaý boıynsha aýyl sharýashylyǵyndaǵy jaǵdaı, astyq perspektıvalary men topyraqtyń jaǵdaıy, jer resýrstary men qurylys salý deńgeıleri týraly aqparat beredi, sonymen qatar yqtımaldyqtyń joǵary deńgeıimen paıdaly qazbalardy, onyń ishinde kómirtektik qazbalardy tabýǵa múmkindik beredi. Árıne, JQZ júıesi eldiń qorǵanysy men qaýipsizdigi úshin jumys jasaıdy», - dep atap ótti agenttiktiń tóraǵasy.
Osylaısha, jerdi qashyqtyqtan zondtaý júıesi «aýyl sharýashylyǵy, geologııa, geodezııa, ekologııa sııaqty basqa da salalardyń damýyna múmkindik beretin mýltıplıkatıvtik jáne sınergetıkalyq nátıje beredi».
Aıta ketý kerek, atalǵan júıeler dúnıe júzinde shamamen 30 elde bar. Qurylyp jatqan JQZ júıesin kadrlyq qamtamasyz etýge qatysty T.Musabaev qazirgi kadrlyq rezerv jetkilikti bolatynyn habarlady. Atap aıtqanda, Frantsııa men Anglııada JQZ júıesin jobalaý, qurastyrý, synaý jáne paıdalaný boıynsha jumys oryndarynda eki jyldyq mashyqtanýdy 25 qazaqstandyq maman aıaqtady, oǵan qosa 20 adam strategııalyq seriktes kásiporyndarynda oqýdy jalǵastyryp jatyr.
