JQTB-men kúres jónindegi shara 10 jeltoqsanǵa deıin jalǵasady

 2011-2015 jyldarǵa arnalǵan JQTB-men  kúres jónindegi dúnıejúzilik naýqanǵa Qazaqstan «Nóldik kórsetkishke jetý: jańa AQTQ  indetiniń kórsetkishi - nól, kemsitýshilik kórsetkishi - nól, JQTB saldarynan qaıtys bolýdyń kórsetkishi - nól»  uranymen belsendi túrde qatysyp keledi.

QR Densaýlyq saqtaý mınıstrligi Salaýatty ómir saltyn qalyptastyrý máseleleri jónindegi ulttyq ortalyǵynyń dırektory Jámıla Battaqovanyń aıtýynsha,  AQTQ  indetiniń taralý reıtıngi boıynsha (0,1%) Qazaqstan bıyl 21-den 12- orynǵa, al bul dertterdiń bızneske yqpaly boıynsha 96-dan 73-orynǵa kóterilgen.

1 qarashadaǵy jaǵdaıǵa sáıkes AQTQ indetiniń saraptama nátıjesi  naýqastardyń 61,6 paıyzyn  qan tamyry arqyly esirtki paıdalanǵandar quraıdy. 70 paıyzǵa  jýyǵy - jumyssyz tulǵalar, osy rette olardyń arasynda 35,7%-y - túrmede otyrǵandar. Sońǵy jyldary turaqty jumysy bar, salaýatty ómir saltyn ustanatyn jáne esirtki paıdalanbaıtyn adamdardyń AQTQ-ǵa shaldyǵý kórsetkishi ósip otyrǵany baıqalýda.

ıÝNEIDS jáne DDSU sarapshylarynyń baǵalaýy boıynsha Qazaqstan  JQTB máselelerin sheshý kezinde ozyq tásilderdi engizý turǵysynan Ortalyq Azııadaǵy kóshbasshy memleket bolyp tabylady.