JQQMI ınspektorlary áıeldi jol beketinde bosandyryp aldy
ASTANA. 22 qarasha. QazAqparat - JQQMI qyzmetkerlerine jol beketinde áıeldi bosandyryp alýǵa týra keldi. Oqys oqıǵa Máskeý-Volgograd federaldy trassasynyń boıynda oryn alǵan.
«Joǵary jyldamdyqpen beketke kelip toqtaǵan Ford avtokóliginen júrgizýshi júgire shyǵyp, ınspektorlarǵa kólik salonynda onyń áıeli tolǵatyp, bosanǵaly jatqanyn jáne ony perzenthanaǵa aparyp úlgermeıtinin aıtqan. Áıeldi Denıs Grabov pen Evgenıı Perfılov aman-esen bosandyryp aldy», - dep málim etti ITAR-TASS agentigine Reseıdiń ІІM MM Volgograd oblysy boıynsha JQQMI baspasóz qyzmetinen.
Polıtsııa qyzmetkerleri shuǵyl dárigerlerdi shaqyrǵan. 10 mınýt ótken soń kóliktiń ishinde sábıdiń shyryldaǵan daýsy estilip, dúnıege qyz bala keldi. Kóp uzamaı jetken medıtsına brıgadasynyń qyzmetkerleri jańa bosanǵan áıeldi sábıimen perzenthanaǵa alyp ketti. Onda álgi áıel taǵy bir sábıdi, bul joly ul balany dúnıege ákeldi.
