«JK-OTAU KZ» qarjy pıramıdasyn qurǵandar 6,5 jyldan sottaldy

Qarjy monıtorıngi agenttiginiń Shymkent qalasy boıynsha departamenti «JK-OTAU KZ» qarjy (ınvestıtsııalyq) pıramıdasyn qurý jáne basqarý boıynsha sotqa deıingi tergep-tekserýdi aıaqtady, dep habarlaıdy Kazinform. 

2018 jyldan bastap eki uıymdastyrýshy salymshylardan qarajat alyp, ony basqa qatysýshylar arasynda qaıta bólip, 150 jábirlenýshige asa iri kólemde 432 mln teńgeden astam materıaldyq shyǵyn keltirgen.

Sot úkimimen bul azamattar kináli dep tanylyp, 6,5 jylǵa bas bostandyǵynan aıyryldy.

Qarjy pıramıdalaryn qurý úshin qylmystyq jaýapkershilik bar ekenin eskertemiz, zańda múlkin tárkileýmen 10 jylǵa deıin bas bostandyǵynan aıyrý túrindegi jaza qarastyrylǵan.