Jızel Pelıkonyń isi: Frantsııa prokýratýrasy eń joǵary jaza taǵaıyndaýdy surady
ASTANA.KAZINFORM — Jyldar boıy zorlyq-zombylyq kórgen frantsýz áıeli Jızel Pelıkonyń soty álem nazaryn ózine aýdardy. Onyń burynǵy kúıeýi Domınık Pelıko qylmysyn moıyndady, dep jazady Euronews.
Frantsýz prokýrorlary Jızel Pelıkonyń burynǵy kúıeýi Domınıkti 20 jylǵa deıin bas bostandyǵynan aıyrýdy surady. Ol 2011 men 2020 jyldar aralyǵynda áıeline esirtki berý arqyly ony es-túsinen aıyryp, bógde adamdarǵa zorlaýǵa ruqsat bergenin moıyndady.
Atalǵan iste óz esiminiń qupııalylyǵyn saqtaýdan bas tartqan Jızel Pelıko seksýaldyq zorlyq-zombylyqqa qarsy kúres júrgizetin belsendilerdiń tumaryna aınaldy.
Frantsııa premer-mınıstri Mıshel Barne úkimet turmystyq zorlyq-zombylyq qurbandaryn qoldaýǵa qosymsha qarajat bóletinin aıtyp, qazirdiń ózinde 33 myń tólem jasalǵanyn aıtty.
Sonymen qatar, ol 2025 jyldyń sońyna qaraı turmystyq zorlyq-zombylyq týraly aryz berý tártibi jeńildeıtinin aıtty.
5 qyrkúıekte Jızel Pelıko tórt jyl boıy basynan qandaı qıyn jaǵdaı keshkenin alǵash ret kópshilik aldynda aıtty. Frantsııanyń iri qalalarynda ony qoldaýǵa arnalǵan mıtıngiler ótti.