«Jıyrmalyq» Halyqaralyq valıýtalyq qordyń resýrstyq bazasyn 340 mlrd. dollarǵa arttyrýǵa sheshim qabyldady
ASTANA. 20 maýsym. QazAqparat - «Jıyrmalyq» Halyqaralyq valıýtalyq qordyń resýrstyq bazasyn 340 mlrd. dollarǵa arttyrýǵa sheshim qabyldady, Reseı 10 mlrd.-qa deıin qarajat bermek.
Bul týraly búgin «jıyrmalyq» sammıtinen keıin qorytyndy baspasóz máslıhatynda RF Prezıdenti Vladımır Pýtın málim etti, dep habarlady ITAR-TASS.
«Los-Kabosta talqylanǵan taqyryptar nátıjesiz qalmaıdy, ol aldaǵy Reseıdiń «jıyrmalyqqa» tóraǵalyq etýi barysynda iske asyrylatyn bolady», - dedi V. Pýtın. «Jalpy alǵanda biz forým jumysynyń sabaqtastyǵyn saqtap qalýdy kózdep otyrmyz, sondaı-aq máselelerdi sheshý úshin qurylǵan «jıyrmalyqtyń» ózekti taqyryptaryna kóńil bólip, den qoıýǵa múddelimiz», - dedi ol.
