JI ustazdyń júktemesin aptasyna 12 saǵatqa deıin azaıtady — Oqý-aǵartý mınıstri
ASTANA. KAZINFORM — Jibek Joly telearnasyndaǵy «Búgin.LIVE» baǵdarlamasynda Oqý-aǵartý mınıstri Juldyz Súleımenova salaǵa JI-di engizý barysy jóninde málimdedi.
— Bıyldan bastap jasandy ıntellekt bilim salasyna engiziledi. Eń aldymen, JI muǵalimdi aýystyrmaıdy, ol muǵalimge kómekshi qural bolady. Bizdiń esepteýimizshe, JI ustazdyń júktemesin aptasyna 12 saǵatqa deıin azaıtady. Sol únemdelgen ýaqytyn qyzmetkerlerimiz balamen etene jaqyn jumys isteýge, jeke sabaq berýge, shyǵarmashylyqpen aınalysýǵa arnaıdy, — dedi ol.
Sol sebepti, mınıstrdiń sózinshe, 1-synyptan bastap Tsıfrlyq saýattylyq jáne jasandy ıntellekt, al 5-11 synyptarda Informatıka jáne jasandy ıntellekt degen ataýy ózgertilgen jańa pánder oqytylady.
— Sonymen birge, ár pánde 43 saǵattan astam JI tehnologııalaryn engizip, keıbir eskirgen taqyryptardy jańa taqyryptarmen aýystyryp jatyrmyz. Bul — zaman talaby, — dedi mınıstr.
Aıta keteıik, buǵan deıin mektepterde «Konstıtýtsııa negizderi» men «Zań men tártip» kýrstary oqytylatynyn jazǵanbyz.
