JI Ulybrıtanııa sotynda alǵash ret isti jeńýge kómektesti
ASTANA. KAZINFORM — Ulybrıtanııada sot isin jasandy ıntellekt kómegimen jeńip alýdyń alǵashqy oqıǵasy tirkeldi, dep habarlaıdy Kazinform agenttiginiń Londondaǵy menshikti tilshisi.
Másele sot isterin daıyndaý úshin JI paıdalanatyn Garfield AI zań fırmasyna qatysty. Fırma klıentke 7 myń fýnt sterlıng (shamamen 4,4 mln teńge) kóleminde qaryz óndirip alýǵa kómektesti. The Guardian gazetiniń jazýynsha, qyzmet quny shamamen 400 fýnt sterlıng.
JI talap aryz, dáleldemeler jáne kýágerlerdiń aıǵaqtaryn qosa alǵanda barlyq qajetti quqyqtyq qujattardy anyq resimdeýge kómektesti. Júıe sonymen qatar advokattarmen qorǵalatyn jaýapker bergen qarsy talapty daýlaýǵa kómektesti.
Ótken jyldyń sáýirinde Ulybrıtanııa retteýshisinen lıtsenzııa alǵan Garfield kompanııasy 30 myń fýnt sterlıngten 10 myń fýnt sterlıngke deıingi somaǵa talap aryz berýge múmkindik beredi. Ol isti daıyndap, sodan keıin sotta klıenttiń múddesin qorǵaý úshin advokat jaldady.
Tyńdaý 14 mamyrda London sotynda ótti jáne shamamen úsh saǵatqa sozyldy. Sot talapkerdi qoldap, jaýapkerge qaryzdy tolyq kólemde tóleýdi buıyrdy.
Kompanııanyń negizin qalaýshylardyń biri Fılıp ıAng bul oqıǵany ádilettilikke qol jetkizý úshin «erekshe sát» dep atady. Onyń aıtýynsha, shaǵyn bıznes qaryzdyń ózinen asyp túsetin joǵary shyǵyndarǵa baılanysty sot isin júrgizýden jıi bas tartyp otyrady.
Osy arada tehnologııanyń damýyna qaramastan adam sotta áli de mańyzdy ról atqarady. Talapkerdiń múddesin qorǵaıtyn advokat sotqa kelý «mańyzdy jáne túbegeıli adamı protsess» bolyp qala beretinin málimdedi.
Osyǵan deıin Ulybrıtanııa JI sýperkompıýterin jasaýǵa mıllıard dollar bóletinin habarladyq.
