Jitiqaranyń kóshelerin túlki kezip júr
Birneshe kún boıy kóshe ortasynda júrgen túlki jeli qoldanýshylarynyń qyzyǵýshylyǵyn týdyrdy. Ásheıinde adamdy kórse, qyr asyp qashatyn ol qalanyń shýyn eler emes.
Turǵyndardyń kóbi qalaǵa kelgen dalanyń ashyqqan túz taǵysyn qutyrý aýrýyn taratýy múmkin dep alańdaıdy.
Oblystyq tabıǵat resýrstary jáne tabıǵatty paıdalanýdy retteý basqarmasy basshysy orynbasary Mıhaıl Semyshevtiń aıtýynsha, óńirdegi barlyq orman sharýashylyqtarynda adamdar ańdarǵa jem shashý jumystaryn júrgizip jatyr. Ázirge túlkilerdiń jappaı aýyldarǵa kirýi nemese ólýi sekildi aqparattar túspegen.
«Qazir kóptegen sharýashylyqtar satatyn astyǵyn tasyp jatyr, al jol shetinde shashylǵan astyq ań-qustardyń nesibesine aınalyp tur. Sol sebepti qala ishine enip ketýi múmkin», - deıdi ol.
Sýretter áleýmettik jelilerden alyndy