Jitiqaradaǵy kólik apaty: Úshinshi japa shegýshi aýrýhanada kóz jumdy
QOSTANAI. QazAqparat - Qostanaı oblysy Jitiqara qalasynda bolǵan jol-kólik oqıǵasynan soń jaıaý júrginshi qaza tapty, dep habarlaıdy QazAqparat tilshisi.
Eske salsaq, qaıǵyly oqıǵa 14 qazan kúni Jitiqaradaǵy Ýálıhanov-Jibek joly kósheleriniń qıylysynda bolǵan.
«Lada» avtokóliginiń 23 jastaǵy júrgizýshisi 36, 55, 51 jastaǵy jaıaý júrginshilerdi qaǵyp ketken. Aýyr dene jaraqaty saldarynan 51, 55 jastaǵy oblys turǵyndary qaza tapqan edi.
«Jitiqara aýdandyq aýrýhanasyna aýyr halde jetkizilgen úshinshi zardap shegýshi de kóz jumdy», - dep habarlady oblystyq ІІD baspasóz qyzmeti.
Oqıǵa ornynan qashyp ketpekshi bolǵan kúdikti QR QK 345-baby 4-tarmaǵy boıynsha aıyptalýda.
