Jitiqarada órtengen kir jýǵysh máshıneniń janynan egde áıeldiń denesi tabyldy
QOSTANAI. QazAqparat – Jitiqara qalasynda kir jýatyn mashına órtenip, bir áıel kóz jumdy, dep habarlaıdy QazAqparat.
Aqparatty oblystyq TJD baspasóz qyzmeti taratty. Oqıǵa Jitiqara qalasyndaǵy besqabatty úıde bolǵan.
«Ashanada turǵan kir jýǵysh mashına órtenip, qyzyl jalyn 1 sharshy metr aýmaqqa taraǵan. Qutqarýshylar kelgenshe órtti kórshiler sóndirgen. Kir jýatyn mashınanyń janynan 1950 jyly týǵan áıel adamnyń denesi tabyldy. Onyń úı ıesi ekeni anyqtaldy», - delingen vedomstvonyń aqparatynda.
Kisi ólimi men órttiń naqty sebepteri anyqtalyp jatyr. Sot-medıtsınalyq saraptama taǵaıyndaldy.
